નેશનલ હાઈ સ્પીડ રેલ કોર્પોરેશનના નેજા હેઠળ એચએસઆર ઈનોવેશન સેન્ટર (એચએસઆરઆઈસી) એ રેલ્વે ડોમેન ખાસ કરીને હાઈ-સ્પીડ રેલ્વે માટે સ્વદેશી ઉકેલોના વિકાસ માટે વિવિધ આઈઆઈટી અને આઈઆઈએસસી સાથે ઘણા સહયોગી સંશોધન પ્રોજેક્ટ હાથ ધર્યા છે.
એચએસઆરઆઈસીની છઠ્ઠી સલાહકાર પરિષદની બેઠક આજે યોજાઈ હતી, જેમાં એનએચએસઆરસીએલના ડિરેક્ટર્સ અને વરિષ્ઠ અધિકારીઓ, રેલવે ટેક્નિકલ રિસર્ચ ઇન્સ્ટિટ્યૂટ (જાપાન)ના પ્રમુખ, ટોક્યો યુનિવર્સિટીના ફેકલ્ટી, આઇઆઇટી દિલ્હી, આઇઆઇટી મુંબઇ, આઇઆઇટી કાનપુર, આઇઆઇટી ગાંધીનગર, આઇઆઇટી મદ્રાસ, આઇઆઇટી રૂરકી, આઇઆઇટી તિરુપતિ, આઇઆઇટી ખડગપુરના ડિરેક્ટર્સ સાથે મેનેજિંગ ડિરેક્ટર શ્રી રાજેન્દ્ર પ્રસાદના નેતૃત્વમાં આજે યોજાઇ હતી, જેમાં ચાલુ પ્રોજેક્ટ્સની સમીક્ષા કરવામાં આવી હતી.
આ પ્રસંગે એનએચએસઆરસીએલના મેનેજિંગ ડિરેક્ટર શ્રી રાજેન્દ્ર પ્રસાદે જણાવ્યું હતું કે, "આઇઆઇએસસી બેંગ્લોર, આઇઆઇટી બોમ્બે અને આઇઆઇટી દિલ્હીના સહયોગથી ડિઝાઇન માટે એક સાથે સોફ્ટવેરનો સ્વદેશી વિકાસ અને ટ્રેક્શન અને પાવર સપ્લાયની માન્યતા એ 'મેક ઇન ઇન્ડિયા'ની દિશામાં એક મુખ્ય સીમાચિહ્નરૂપ છે, કારણ કે હાલમાં, અમે વિદેશી સોફ્ટવેર પર નિર્ભર છીએ.
હાલ ચાલી રહેલા પ્રોજેક્ટ્સ સિવિલ એન્જિનીયરિંગનાં ક્ષેત્રમાં સંબંધિત છે, જેમાં એચએસઆર અને રેલવે એપ્લિકેશન્સ માટે રિઇન્ફોર્સ્ડ અર્થ સ્ટ્રક્ચર્સની ડિઝાઇન, હાઇ સ્પીડ રેલવે ટ્રેક માટે સીએએમ પર વિસ્તૃત અભ્યાસ, હાઇ સ્પીડ રેલવે વાયડક્ટ ડિઝાઇનનું ઓપ્ટિમાઇઝેશન અને ઇલેક્ટ્રિકલ ડોમેઇન જેમ કે પાવર સપ્લાય માટે સિમ્યુલેશન મોડલિંગ અને ઓએચઇ ડિઝાઇન વગેરે સામેલ છે.
વિકાસ ઉપરાંત, ઇન્સ્ટિટ્યૂટ ઓફ ઇલેક્ટ્રિકલ એન્ડ ઇલેક્ટ્રોનિક્સ એન્જિનિયર્સ (આઇઇઇઇ) ની પરિષદોમાં આઇઆઇટીડી અને આઇઆઇએસસી અને આઇઆઇટીબી ટીમો દ્વારા એચએસઆરઆઈસીના નેજા હેઠળ ટ્રેક્શન પાવર સપ્લાય સિસ્ટમ અને ડાયનેમિક ઇન્ટરેક્શન ઓફ પેન્ટોગ્રાફ અને કેટેનરી ના ક્ષેત્રમાં અને વર્ષ 2022-2023 માં પ્રોસિડિંગ્સ ઓફ વાઇબ્રેશન એન્જિનિયરિંગ એન્ડ ટેકનોલોજી ઓફ મશીનરી કોન્ફરન્સ (વીઇટોમેક) માં કેટલાક તકનીકી પેપર્સ પ્રકાશિત થયા છે.
