एनएचएसआरसीएलने महाराष्ट्र राज्यात 'डबल लाइन हाय स्पीड रेल्वेसाठी चाचणी आणि कमिशनिंगसह ट्रॅक आणि ट्रॅकसंबंधित कामांचे डिझाइन, पुरवठा आणि बांधकाम' साठी पात्र भारतीय आणि जपानी कंपन्यांकडून निविदा मागविल्या आहेत. मुंबई बुलेट ट्रेन स्थानक ते महाराष्ट्र-गुजरात सीमेवरील झारोली गाव या दरम्यान सुमारे 157 किमी म्हणजेच 314 किमी लांबीच्या ट्रॅकची संपूर्ण आखणी करण्यात आली आहे. यात ठाण्यातील 4 स्थानके आणि रोलिंग स्टॉक डेपोच्या ट्रॅकच्या कामांचाही समावेश आहे.
जपानी एचएसआर (शिंकानसेन) मध्ये वापरली जाणारी गिट्टीरहित स्लॅब ट्रॅक प्रणाली भारताच्या पहिल्या एचएसआर प्रकल्पावर (एमएएचएसआर) वापरली जाईल. जनरल कन्सल्टंट म्हणून जेआयसीसीने करारासाठी आरसी ट्रॅक बेड, ट्रॅक स्लॅब व्यवस्था इत्यादी प्रमुख एचएसआर ट्रॅक घटकांचे तपशीलवार डिझाइन आणि ड्रॉइंग प्रदान केले आहे.
एनएचएसआरसीएल आणि जपान रेल्वे टेक्निकल सर्व्हिस (जेएआरटी) यांच्यात झालेल्या सामंजस्य करारानुसार(एमओयू) जेआरटीएस मुंबई अहमदाबाद हाय स्पीड रेल कॉरिडॉरसाठी (टी-1 पॅकेजसह) ट्रॅक वर्कच्या बांधकामासाठी प्रशिक्षण आणि प्रमाणपत्र आणि सल्लागार सेवा प्रदान करेल. टी-2 आणि टी-3 पॅकेजेससाठी जपानी प्रशिक्षकांकडून भारतीय अभियंत्यांना ट्रॅक ट्रेनिंग फॅसिलिटी (टीटीएफ) सुरत येथे अनेक प्रशिक्षण अभ्यासक्रम यापूर्वीच पूर्ण झाले आहेत.
मुंबई अहमदाबाद बुलेट ट्रेन प्रकल्पाचे हे शेवटचे ट्रॅक बांधकाम कंत्राट असेल. पॅकेज टी-2 आणि टी-3 अंतर्गत गुजरातमध्ये ट्रॅक बांधणीचे काम सुरू झाले आहे. गुजरातमधील दोन्ही ट्रॅक वर्कची कंत्राटे भारतीय कंपन्यांना देण्यात आली आहेत.
तांत्रिक निविदा 03 फेब्रुवारी 2025 रोजी उघडण्यात येणार आहेत.
