नॅशनल हाय स्पीड रेल कॉर्पोरेशनच्या अधिपत्याखाली एचएसआर इनोव्हेशन सेंटर (एचएसआरआयसी) ने रेल्वे डोमेन विशेषत: हाय-स्पीड रेल्वेसाठी स्वदेशी सोल्यूशन्स विकसित करण्यासाठी विविध आयआयटी आणि आयआयएससीसह अनेक सहयोगी संशोधन प्रकल्प हाती घेतले आहेत.
एचएसआरआयसीच्या सहाव्या सल्लागार परिषदेची बैठक आज एनएचएसआरसीएलचे संचालक आणि वरिष्ठ अधिकारी, रेल्वे तांत्रिक संशोधन संस्थेचे (जपान) अध्यक्ष, टोकियो विद्यापीठाचे प्राध्यापक, आयआयटी दिल्ली, आयआयटी मुंबई, आयआयटी कानपूर, आयआयटी गांधीनगर, आयआयटी मद्रास, आयआयटी रुरकी, आयआयटी तिरुपती, आयआयटी खरगपूर येथील संचालकांनी सुरू असलेल्या प्रकल्पांचा आढावा घेण्यासाठी घेतली.
या प्रसंगी बोलताना एनएचएसआरसीएलचे व्यवस्थापकीय संचालक राजेंद्र प्रसाद म्हणाले, 'आयआयएससी बेंगळुरू, आयआयटी मुंबई आणि आयआयटी दिल्ली यांच्या सहकार्याने डिझाइन साठी एकाच वेळी सॉफ्टवेअरविकसित करणे आणि ट्रॅक्शन आणि वीज पुरवठ्याच्या वैधतेसाठी स्वदेशी विकास हा 'मेक इन इंडिया'च्या दिशेने एक मोठा मैलाचा दगड आहे कारण सध्या आपण परदेशी सॉफ्टवेअरवर अवलंबून आहोत.
चालू प्रकल्प नागरी अभियांत्रिकी डोमेनशी संबंधित आहेत जसे की एचएसआर आणि रेल्वे अनुप्रयोगांसाठी प्रबलित पृथ्वी संरचनांचे डिझाइन, हाय स्पीड रेल्वे ट्रॅकसाठी सीएएमवरील तपशीलवार अभ्यास., हाय स्पीड रेल्वे वायडक्ट डिझाइनचे ऑप्टिमायझेशन आणि विद्युत डोमेन जसे की पॉवर सप्लाय आणि ओएचई डिझाइनसाठी सिम्युलेशन मॉडेलिंग इत्यादी.
या व्यतिरिक्त, आयआयटीडी, आयआयएससी आणि आयआयटीबीद्वारे 2022-2023 मध्ये इन्स्टिट्यूट ऑफ इलेक्ट्रिकल अँड इलेक्ट्रॉनिक्स इंजिनीअर्स (आयईईई) आणि व्हायब्रेशन इंजिनीअरिंग अँड टेक्नॉलॉजी ऑफ मशिनरी (व्हीटोमॅक) यांच्या परिषदेत एचएसआरआयसीच्या अंतर्गत ट्रॅक्शन पॉवर सप्लाय सिस्टम्स आणि पॅन्टोग्राफ आणि कॅटेनरीच्या डायनॅमिक इंटरॅक्शन्स या क्षेत्रात अनेक तांत्रिक शोधनिबंध प्रकाशित झाले आहेत.
