आणंद शहर ‘भारताची दुग्ध नगरी’ (Milk City of India) म्हणून प्रसिद्ध आहे. स्टेशनचे बाह्य स्वरूप (फॅसाड) आणि अंतर्गत डिझाइन दूधाच्या थेंबांच्या तरल स्वरूप, आकृती आणि रंगांपासून प्रेरित आहे, जे भारताची दुग्ध राजधानी म्हणून ओळखल्या जाणाऱ्या आणंदच्या वैशिष्ट्यांचे प्रतीक आहे.
प्रमुख वैशिष्ट्ये:
- स्टेशनची उंची – 25.6 मीटर
- एकूण बांधकाम क्षेत्र – 44,073 चौरस मीटर
हे स्टेशन तीन मजली असेल, ज्यामध्ये दोन साइड प्लॅटफॉर्म आणि त्यांच्या दरम्यान चार ट्रॅक असतील. स्टेशनमध्ये सर्व आधुनिक आणि अत्याधुनिक सुविधा उपलब्ध असतील. येथे तिकीट बुकिंग व प्रतीक्षालय, नर्सरी, स्वच्छतागृहे, माहिती केंद्र, रिटेल सेंटर इत्यादी सुविधा असतील. याशिवाय, नैसर्गिक प्रकाशासाठी छत आणि बाह्य भागांमध्ये स्कायलाइटची सुविधा देण्यात येईल.
स्टेशन इमारतीजवळ प्रवाशांसाठी कार, दुचाकी, ऑटो आणि बस यांच्यासाठी पिक-अप व ड्रॉप-ऑफ तसेच पार्किंगची सुविधा उपलब्ध असेल. तसेच, एक सुबक आणि सुव्यवस्थित पादचारी प्लाझा विकसित केला जाईल.
सर्वात जवळचे रेल्वे स्टेशन उत्तरसंडा रेल्वे स्टेशन असून ते स्टेशनपासून सुमारे 600 मीटर पूर्वेस आहे. तर, सर्वात जवळचे प्रमुख रेल्वे स्टेशन नडियाद जंक्शन असून ते सुमारे 10 किलोमीटर अंतरावर आहे. सर्वात जवळचे विमानतळ वडोदरा विमानतळ असून ते 54 किलोमीटर अंतरावर आहे, तर सरदार वल्लभभाई पटेल आंतरराष्ट्रीय विमानतळ, अहमदाबाद हे स्टेशनपासून 70 किलोमीटर अंतरावर आहे.
सर्व प्रमुख वाहतूक साधनांच्या एकत्रीकरणाद्वारे हे स्टेशन एक महत्त्वपूर्ण परिवहन केंद्र म्हणून विकसित केले जाईल, ज्यामुळे प्रवाशांना अधिक चांगली, जलद आणि सुलभ प्रवास सुविधा उपलब्ध होईल.
आणंद बुलेट ट्रेन स्टेशनची प्रगती
स्टेशनच्या तिन्ही स्तरांवरील स्लॅब कास्टिंगचे काम पूर्ण झाले आहे. छतासाठीचे स्ट्रक्चरल स्टील आणि रूफ शीटिंगचे कामही पूर्ण झाले आहे. बाह्य फॅसाडसाठीचे स्ट्रक्चरल स्टीलचे काम पूर्ण झाले आहे. स्टेशनवर लिफ्ट आणि एस्केलेटर बसविण्यात आले आहेत. क्लॅडिंग आणि जिन्यांच्या फिनिशिंगचे काम सध्या प्रगतीपथावर आहे.
