मुंबई–अहमदाबाद बुलेट ट्रेन प्रकल्पांतर्गत अहमदाबाद जिल्ह्यातील कालूपूर उड्डाणपुलावर व्हायाडक्ट लॉन्चिंगचे काम यशस्वीरित्या पूर्ण करण्यात आले आहे. हा उड्डाणपूल साबरमती–मुंबई मुख्य रेल्वे मार्गावर (पश्चिम रेल्वे) असलेला रेल्वे ओव्हर ब्रिज (ROB) आहे. व्हायाडक्ट विद्यमान रेल्वे मार्गाच्या समांतर बांधण्यात येत असून, उड्डाणपुलावरील लॉन्चिंगचे काम 25 मे 2026 रोजी पूर्ण झाले.
या कामांतर्गत स्पॅन-बाय-स्पॅन (SBS) पद्धतीने 45 मीटर लांबीच्या पुलाचे लॉन्चिंग करण्यात आले.
मुख्य वैशिष्ट्ये:
- उड्डाणपुलावरील स्पॅनची लांबी: 45 मीटर
- व्हायाडक्टची उंची (जमिनीपासून रेल्वे पातळीपर्यंत): 19.5 मीटर
- लॉन्च करण्यात आलेल्या सेगमेंटची संख्या: 19
- स्पॅनचे एकूण वजन: 1200 मेट्रिक टन
कालूपूर उड्डाणपूल हा अहमदाबादमधील सर्वाधिक वर्दळीच्या दोन-लेन उड्डाणपुलांपैकी एक असून, शाहीबाग, असरवा आणि कालूपूर यांना जोडणारा महत्त्वाचा मार्ग आहे. दररोज हजारो प्रवासी या मार्गाचा वापर करतात।
स्पॅन लॉन्चिंगची सर्व कामे काळजीपूर्वक नियोजन करून नियंत्रित रात्रीच्या ब्लॉकदरम्यान पूर्ण करण्यात आली. कामाच्या परिसरातील प्रवेश आणि निर्गमन मार्ग रात्री 00:00 ते सकाळी 06:00 वाजेपर्यंत पूर्णपणे बंद ठेवण्यात आले होते, तर दिवसा उड्डाणपुलाखालील वाहतूक सुरळीत सुरू ठेवण्यात आली.
अहमदाबाद वाहतूक विभागाकडून २२ मे ते २५ मे २०२६ या कालावधीसाठी रात्रीच्या वाहतुकीला अडथळा आणण्याची आवश्यक परवानगी मिळवण्यात आली. या मर्यादित कालावधीत तीन (०३) रात्रींमध्ये ऑटो-लाँचिंग, सेगमेंट वाहतूक, स्पॅन उभारणी, ड्राय मॅचिंग आणि ग्लूइंग यांसारखी सर्व प्रमुख कामे यशस्वीरित्या पूर्ण करण्यात आली.
जनतेला कमीत कमी त्रास होण्यासाठी आवश्यक सुरक्षा आणि वाहतूक व्यवस्थापनाची सर्व उपाययोजना करण्यात आली होती. यामध्ये योग्य बॅरिकेडिंग, वाहतूक वळवण्याचे फलक, मार्ग बदलाबाबत पूर्वसूचना, दिवस व रात्रीच्या वेळेत पुरेसे ट्रॅफिक मार्शल तैनात करणे तसेच रात्रीच्या कामादरम्यान पुरेशी प्रकाशव्यवस्था यांचा समावेश होता।
अतिरिक्त माहिती:
मुंबई–अहमदाबाद बुलेट ट्रेन कॉरिडॉर अहमदाबाद जिल्ह्यातील एकूण 31 क्रॉसिंगमधून जात आहे. यामध्ये भारतीय रेल्वे क्रॉसिंग (08), रोड फ्लायओव्हर, रस्ता, रोड अंडरपास, कालवा क्रॉसिंग (16), साबरमती नदीवरील एक (01) नदी पूल क्रॉसिंग आणि सहा (06) स्टील पूल यांचा समावेश आहे. यापैकी 23 क्रॉसिंगची कामे आधीच पूर्ण झाली आहेत।
