एनएचएसआरसीएलच्या सुरत कार्यालयात "काँक्रीट संरचनांच्या गुणवत्ता नियंत्रणासाठी आणि मालमत्तेची टिकाऊपणा प्राप्त करण्यासाठी" एक दिवसीय कार्यशाळेचे आयोजन करण्यात आले होते. ज्यामध्ये जपानी आणि भारतीय तज्ञांनी काँक्रीट संरचनांच्या गुणवत्ता नियंत्रणावर विचारांची देवाणघेवाण केली. या कार्यशाळेचे आयोजन एडीबीआय (ADBI), टोकियो, जपान रेल्वे टेक्निकल सर्व्हिस (जेआरटीएस), एनएचएसआरसीएल आणि जायका (JICA) यांनी केले होते.
कार्यशाळेला संबोधित करताना श्री राजेंद्र प्रसाद, व्यवस्थापकीय संचालक, एनएचएसआरसीएल यांनी पायाभूत सुविधा प्रकल्पांसाठी वापरल्या जाणाऱ्या काँक्रीटच्या गुणवत्ता आणि टिकाऊपणावर जोर दिला. ते म्हणाले की, बांधकाम क्षेत्रात नवीन उपाय आणि तंत्रज्ञानाच्या एकत्रीकरणामुळे टिकाऊ पायाभूत सुविधा प्राप्त करण्यास मदत होईल.
कार्यशाळेत आयआयटी कानपूर, आयआयटी मद्रास, एनआयटी सुरतचे प्राध्यापक, एमएएचएसआरचे कंत्राटदार आणि सल्लागारांच्या प्रतिनिधींसह आरटीआरआय (RTRI), ईस्ट जपान रेल्वे आणि एडीबीआय (ADBI) चे सहभागी देखील उपस्थित होते.
जपानी शिष्टमंडळाने एमएएचएसआरच्या विविध बांधकाम स्थळांना भेट दिली, जसे की गर्डर कास्टिंग यार्ड, गर्डर लॉन्चिंग साइट, नदी आणि इतर पूल स्थळे, सुरत एचएसआर स्टेशन इत्यादी, आणि बांधकामाची गती, गुणवत्ता आणि सूक्ष्म नियोजनाची प्रशंसा केली. टीसीएस (TCS) द्वारे बांधकामाच्या अचूक परिणामांसाठी डिजिटलायझेशनच्या वापरावरील एक सत्र देखील आयोजित करण्यात आले होते. या कार्यशाळेत सुमारे 150 सहभागींनी भाग घेतला.