આઇઆરપી, સામાજિક પહેલ અને સીએસઆર

આવક પુનઃસ્થાપન કાર્યક્રમ હેઠળ, NHSRCL એ રુસ્તમજી એકેડેમી ફોર ગ્લોબલ કેરિયર્સ પ્રાઇવેટ લિમિટેડ વિરાર/વસઈ-પાલઘરના સહયોગથી પાલઘર જિલ્લાના પ્રોજેક્ટથી પ્રભાવિત ગામોના યુવાનોને ત્રણ મહિનાની સહાયક ઇલેક્ટ્રિશિયન તાલીમ આપી રહ્યું છે. 4 એપ્રિલ 2024 થી શરૂ થયેલી આ તાલીમ જિલ્લાના લગભગ 19 યુવાનોને લાભ કરશે.

આ તાલીમ કાર્યક્રમ રાષ્ટ્રીય કૌશલ્ય વિકાસ નિગમ (NSDC) સાથે પણ સંરેખિત છે. તાલીમનો હેતુ યુવા વ્યક્તિઓને મૂલ્યવાન કૌશલ્યો અને કારકિર્દીની સંભાવનાઓ પ્રદાન કરીને તેમને ટેકો આપવાનો છે, સાથે સાથે તેમને ઉદ્યોગસાહસિકતાની તકો શોધવા માટે પ્રેરણા આપવાનો પણ છે.

આ કાર્યક્રમ પૂર્ણ થયા પછી, સહભાગીઓ આ માટે સક્ષમ હશે:

• ઇન્સ્ટોલેશન, રિપેર અને મેઇન્ટેનન્સ સહિત વિવિધ ઇલેક્ટ્રિકલ કાર્યોમાં ઇલેક્ટ્રિશિયનોને સહાય કરવી
• બાંધકામ સાઇટ્સ પર કામચલાઉ લો-વોલ્ટેજ ઇલેક્ટ્રિકલ જોડાણો ઠીક કરવા
• બાંધકામ ઇલેક્ટ્રિકલ પ્રોજેક્ટ્સને લગતા હેન્ડ ટૂલ્સ, પાવર ટૂલ્સ અને ઇલેક્ટ્રિકલ ઉપકરણોની કુશળતાપૂર્વક પસંદગી અને ઉપયોગ કરવો
• બાંધકામ સાઇટ્સ પર કામચલાઉ લો-વોલ્ટેજ ઇલેક્ટ્રિકલ પેનલ્સ (ડિસ્ટ્રિબ્યુશન બોર્ડ) એસેમ્બલ કરવા, ઇન્સ્ટોલ કરવા અને તેનું સંચાલન કરવું
• સલામતી અને પાલન સુનિશ્ચિત કરીને રહેણાંક અને વ્યાપારી ઇમારતોમાં કાયમી ઇલેક્ટ્રિકલ જોડાણો સ્થાપિત કરવા

એનએચએસઆરસીએલએ તેની આવક પુન:સ્થાપન યોજના હેઠળ ગુજરાતના નડિયાદ-ખેડા જિલ્લાના ચકલાસી ગામના પરિયોજના પ્રભાવિત પરિવારો (પીએએચ) ની મહિલાઓ માટે એક સિલાઈ અને દરજીકામ માટેના તાલીમ કાર્યક્રમનું આયોજન કર્યું છે. આ કાર્યક્રમનો ઉદ્દેશ્ય રોજગાર અવસરોનું સર્જન કરવાનો અને સ્થાનિક મહિલાઓની કૌટુંબિક આવકમાં વધારો કરવાનો હતો.

આ ૩૦ દિવસીય તાલીમ કાર્યક્રમ (માર્ચ ૨૪ થી એપ્રિલ ૨૮, ૨૦૨૧) ગ્રામીણ સ્વ રોજગાર તાલીમ સંસ્થા (આર-સેટ સંસ્થાન) ના સહયોગમાં સંચાલિત કરવામાં આવ્યો હતો જેમાં ચકલાસી અને ભૂમેલ ગામની ૩૨ મહિલાઓ (દરેક પ્રભાવિત કુટુંબમાંથી એક) ની બેચનો સમાવેશ થયો હતો. આ મહિલાઓને તેમની કુશળતાઓમાં વધારો કરવા અને ઉદ્યમી બનવા માટે સ્વ-સહાયતા જૂથો (સખી મંડળ સંગઠન) ની રચના કરવા માટે પણ પ્રોત્સાહિત કરવામાં આવી હતી.

એક લાખ રૂપિયા સુધીની વ્યાજ-મુક્ત લોન પ્રદાન કરવા માટે નડિયાદના તાલુકા પંચાયત કાર્યાલયની મદદથી મુખ્યમંત્રી મહિલા ઉત્કર્ષ યોજના, ગુજરાત અંતર્ગત ૧૦ મહિલાઓનું બનેલું સૌથી પહેલું જૂથ "ભૂમિ મહિલા સખી મંડળ" ભૂમેલ ગામમાં બનાવવામાં આવ્યું હતું.

દીનદયાળ અંત્યોદય યોજના-એનયુએલએમ યોજના, ગુજરાત અંતર્ગત રચાયેલ ચકલાસી ગામમાં ૧૨ મહિલાઓનો સમાવેશ કરતા બીજા જૂથ "મહા લક્ષ્મી મહિલા સખી મંડળ"નું લક્ષ્ય ગ્રામીણ વસ્તીને અનિવાર્ય સેવાઓ વડે સુસજ્જ આશ્રયસ્થાનો પ્રદાન કરવાનું અને તેમના જીવનની ગુણવત્તામાં સુધારો કરવાનું હતું.

મુંબઈ-અમદાવાદ હાઈ સ્પીડ રેલ કોરિડોર પ્રોજેક્ટના કારણે અસર પામેલા પરિવારોનું કૌશલ્ય વધારવા તથા આવક મેળવવાની તક પેદા કરવા માટે એનએચએસઆરસીએલ આવક પુનઃસ્થાપન કાર્યક્રમ હેઠળ વિવિધ કૌશલ્ય વિકાસ તાલીમ કાર્યક્રમોનું આયોજન કરી રહ્યું છે. 

થાણે જિલ્લાના ગામોમાંથી 14 ઉમેદવારોની પ્રથમ બેચે હોટલ મેનેજમેન્ટમાં તેમની વર્ગખંડ તાલીમ પૂર્ણ કરી છે અને હવે તેઓ મુંબઈમાં અંધેરી ખાતે એક પ્રતિષ્ઠિત હોટલમાં છ મહિના માટે ‘ઓન ધ જોબ ટ્રેનિંગ’ મેળવશે. વર્ગખંડની તાલીમ દરમિયાન સહભાગીઓએ ખાદ્યાન્ન ઉત્પાદન, ફૂડ અને બેવરેજ સર્વિસ, હોટલની સાફસફાઈ, સંદેશાવ્યવહાર અને ફ્રન્ટ ઓફિસનું કૌશલ્ય મેળવ્યું હતું.

આ તાલીમ કાર્યક્રમ થાણે, મહારાષ્ટ્ર સ્થિત સરકારી માન્યતાપ્રાપ્ત સંસ્થા કાઉન્સિલ ઓફ એજ્યુકેશન એન્ડ ડેવલપમેન્ટ પ્રોગ્રામ પ્રાઈવેટ લિમિટેડ દ્વારા યોજવામાં આવ્યો હતો.

સહભાગીઓ સાથે ડિજિટલ રીતે સંવાદ કરતા એનએચએસઆરસીએલના મેનેજિંગ ડિરેક્ટર શ્રી અચલ ખરેએ જણાવ્યું કે, “ભારત યુવાનોનો દેશ છે અને આપણા યુવાનોએ એવું કૌશલ્ય પ્રાપ્ત કરવા માટે કામ કરવું જોઈએ જેનાથી તેઓ આત્મનિર્ભર બની શકે અને રાષ્ટ્ર નિર્માણમાં ભાગ લઈ શકે. એનએચએસઆરસીએલ વિવિધ શાખાઓમાં કૌશલ્ય વિકાસની તાલીમ પૂરી પાડવા અને યુવાનોને તેમની રોજગારની તક સુધારવામાં મદદ કરવા માટે પ્રતિબદ્ધ છે.

239થી વધારે સહભાગીઓને અત્યાર સુધીમાં વિવિધ કૌશલ્ય, જેમ કે કમ્પ્યુટર હાર્ડવેર અને નેટવર્કિંગ, કમ્પ્યુટર એકાઉન્ટિંગ, વેલ્ડિંગ અને ફેબ્રિકેશન, મોબાઈલ રિપેરિંગ, ઇલેક્ટ્રિકલ વર્ક્સ, ઓફિસ ઓટોમેશન, વગેરેમાં કૌશલ્ય વિકાસ તાલીમ આપવામાં આવી છે.

હાલમાં એનએચએસઆરસીએલ ગુજરાત અને મહારાષ્ટ્રમાં બાંધકામને લગતી કામગીરી જેમ કે સળિયા વાળવા, કન્સ્ટ્રક્શન ઇલેક્ટ્રિકલ કામ, પ્લમ્બિંગ, પ્લાસ્ટરિંગ વગેરેમાં નિઃશૂલ્ક તાલીમ આપી રહ્યું છે.

એનએચએસઆરસીએલની આવક પુનઃસ્થાપન યોજના હેઠળ પ્રોજેક્ટથી અસર પામેલા પરિવારોની 22 મહિલાઓ (બોરિયાવી ગામની 18 અને સમરખા ગામની 4 મહિલાઓ) ગુજરાતના આણંદ જિલ્લા ખાતે સીવણ અને સ્ટિચિંગ દરજીકામનો કોર્સ (21 ડિસેમ્બર 2020થી 27 જાન્યુઆરી 2021) કરી રહી છે. આ તાલીમ કાર્યક્રમ આરએસઈટીઆઈ (રુરલ સેલ્ફ એમ્પ્લોયમેન્ટ ટ્રેનિંગ ઇન્સ્ટિટ્યૂટ)ના સહયોગથી કરવામાં આવી રહ્યો છે. તે #આત્મનિર્ભર બનવાની દિશામાં અને આ મહિલાઓ માટે વધુ સારા જીવનની દિશામાં એક પગલું છે. 

આ તાલીમ પૂર્ણ કર્યા બાદ એનએચએસઆરસીએલ આ મહિલાઓને ટેકો પૂરો પાડવાની યોજનના ધરાવે છે જેમાં સિવણ મશીન ખરીદવામાં અને તેમના માટે સહકારી જૂથ (સખી મંડળ) સ્થાપવામાં મદદ કરવાનો સમાવેશ થાય છે જેમાં તેઓ એકબીજાને મદદ કરી શકે અને તેમના માટે તથા તેમના પરિવારો માટે ટકાઉ આજીવિકાનું સર્જન કરી શકે.
 
એનએચએસઆરસીએલ તેમને શુભેચ્છાઓ પાઠવે છે !!

નેશનલ હાઈ સ્પીડ રેલ કોર્પોરેશન લિમિટેડ (એનએચએસઆરસીએલ) ગ્રામીણ વિકાસ અને સ્વ રોજગાર તાલીમ સંસ્થા (રુડસેટ) ના સહયોગથી { http://www.rudsetitraining.org} પ્રોજેક્ટ અસરગ્રસ્તો/પરિવારો માટે આવક પુન:સ્થાપન/ઉત્પાદન પ્રવૃત્તિઓ તરફ કામ કરી રહી છે.  એનએચએસઆરસીએલ ની જમીન સંપાદન પ્રક્રિયા વળતરની ચુકવણી, R&R સહાય વગેરેમાં મર્યાદિત નથી;પરંતુ તેમાં કુશળતા વિકાસ, આવક પુન:સ્થાપના માટે તાલીમ વૃદ્ધિ અને આજીવિકાની પુન:સ્થાપનાના વિકાસ અને પ્રોજેક્ટ અસરગ્રસ્ત લોકો માટે આવક પેદા કરવાની તકોનો પણ સમાવેશ છે..

આ કાર્યક્રમ અંતર્ગત, નડિયાદની રુડસેટ સંસ્થામાં 26.06.19 ના રોજ સંભવિત યુવાનો માટે કમ્પ્યુટર હાર્ડવેર અને નેટવર્કિંગ પ્રોગ્રામ શરૂ કરવામાં આવ્યો છે, 45 દિવસીય કૌશલ્ય વિકાસ પ્રશિક્ષણ કાર્યક્રમનો 28 યુવાનો લાભ લઈ રહ્યા છે. તાલીમ પછી, સહભાગીઓને તેમના પોતાના જીવનનિર્વાહ બનાવવામાં મદદ કરવામાં આવશે.

મોબાઇલ રિપેરિંગ, બ્યુટી પાર્લર, બાઇક રિપેરિંગ વગેરે જેવા અનેક તાલીમ કાર્યક્રમો એમએએચએસઆર કોરિડોર સાથે વિવિધ ગામોમાં ચલાવવાનું આયોજન કરવામાં આવ્યું છે.  તાલીમ પછી, રુડસેટ સુનિશ્ચિત કરે છે કે પ્રશિક્ષિત યુવાનોએ તેમના પોતાના સાહસોનો વિકાસ કરવો. રુડસેટ બે બેંકો દ્વારા પ્રાયોજિત છે, તેથી તેઓ તેમને લોન લેવામાં પણ મદદ કરે છે. ઉમેદવારની સ્થાપિત થાય ત્યાં સુધી ઓછામાં ઓછા બે વર્ષ સુધી હેન્ડહોલ્ડિંગ કરવામાં આવે છે.

આવક પુનસ્થાપન કાર્યક્રમ અંતર્ગત, રુડસેટ સંસ્થા, નડિયાદના સહયોગથી એનએચએસઆરસીએલે આણંદ અને ખેડા જિલ્લાના પ્રોજેક્ટ અસરગ્રસ્ત ગામોના યુવાનોને ટુ વ્હીલર રિપેરિંગની તાલીમ આપી હતી. આણંદ અને ખેડા જિલ્લાના ગામોના કુલ 10 યુવાનોએ 30 દિવસનો તાલીમ કાર્યક્રમ સફળતાપૂર્વક પૂર્ણ કર્યો.

એનએચએસઆરસીએલે તમામ ઉમેદવારોને તાલીમ સફળતાપૂર્વક પૂર્ણ કરવા પર ટુ વ્હીલર રિપેર ટૂલ કીટનું વિતરણ કર્યું હતું.

નેશનલ હાઈસ્પીડ રેલ કોર્પોરેશન લિમિટેડ (એનએચએસઆરસીએલ) આર્કેડિસ અને દેવ ફાઉન્ડેશનના સહયોગથી ભરૂચ જિલ્લામાં આવક પુન સ્થાપન કાર્યક્રમ અંતર્ગત કૌશલ્ય તાલીમ આપી રહી છે, જે પ્રોજેક્ટ અસરગ્રસ્ત લોકો (પી.એ.પી.) ની આજીવિકા પુન સ્થાપિત કરવામાં મદદ કરશે. એનએચએસઆરસીએલની જમીન સંપાદન પ્રક્રિયા માત્ર વળતર, આર એન્ડ આર સહાય વગેરે પૂરતી મર્યાદિત નથી, પરંતુ કુશળતા વિકાસ પહેલ પણ શામેલ છે જેના દ્વારા જીવનનિર્વાહ માટે પીએપી દ્વારા આવક મેળવી શકાય છે.

આ કાર્યક્રમ અંતર્ગત ભરૂચની નંદેલાવ ચોકડી, ફાથ કલ્વેરી સ્કૂલ ખાતે સંભવિત યુવાનો માટે કમ્પ્યુટર હાર્ડવેર અને નેટવર્કિંગ પ્રોગ્રામનું આયોજન કરવામાં આવ્યું હતું. 60 દિવસના આ તાલીમ કાર્યક્રમનો કુલ 24 યુવાનોએ લાભ લીધો હતો.