हा प्रकल्पासाठी पूर्ण झालेला नववा स्टील पूल आहे
मुंबई-अहमदाबाद बुलेट ट्रेन प्रकल्पासाठी गुजरातमधील नडियादजवळ राष्ट्रीय महामार्ग 48 (दिल्ली, मुंबई आणि चेन्नईला जोडणारा) वर 2 x 100 मीटर लांबीच्या स्टील पुलाचा दुसरा 100 मीटर स्पॅन यशस्वीरित्या लाँच करण्यात आला. या स्टील पुलासाठी 100 मीटरचा पहिला स्पॅन एप्रिल 2025 मध्ये पूर्ण झाला होता. गुजरातमध्ये नियोजित 17 स्टील पुलांपैकी हा प्रकल्पासाठी पूर्ण झालेला नववा स्टील पूल आहे.
प्रत्येक 100 मीटरच्या दोन स्पॅननी बनलेला हा स्टील पूल सुमारे 2884 मेट्रिक टन वजनाचा आहे, 14.6 मीटर उंच आणि 14.3 मीटर रुंद आहे. उत्तर प्रदेशातील हापूरजवळील सालासर वर्कशॉपमध्ये तयार केलेले हे स्टील पूल 100 वर्षांचा आयुष्यकाल लक्षात घेऊन डिझाइन केले आहेत.
राष्ट्रीय महामार्ग 48 हा सहा लेनचा (प्रत्येक बाजूला तीन लेन) सर्वात व्यस्त महामार्गांपैकी एक आहे. पुलाचा दुसरा स्पॅन महामार्गावर तीन लेन ओलांडून एका टोकापासून 100 मीटर सरकवून लाँच करण्यात आला. व्यस्त महामार्गावर सुरळीत वाहतूक सुनिश्चित करण्यासाठी आणि रस्ते वापरणाऱ्यांसाठी त्रास कमी करण्यासाठी लाँचिंग नियोजित वेळापत्रकानुसार केले गेले.
हा 200 मीटर लांब स्टील पूल सुमारे 1,14,172 टॉर-शियर प्रकारच्या उच्च सामर्थ्याच्या (टीटीएचएस) बोल्ट्स, सि5 प्रणालीचे पेंटिंग आणि इलास्टोमेरिक बेअरींगसह बांधला गेला आहे. तो जमिनीपासून 14.9 मीटर उंचीवर असलेल्या तात्पुरत्या ट्रेसल्सवर संकलित केला गेला आणि दोन अर्ध-स्वयंचलित जॅक्ससह स्वयंचलित यंत्रणेच्या माध्यमातून हलवला गेला, प्रत्येक जॅक 250 टन उचलण्यास सक्षम असून, मॅक-अॅलॉय बार्सचा वापर करण्यात आला.
संपूर्ण कॉरिडॉरसाठी एकूण 28 स्टील पुलांची योजना आहे, ज्यापैकी 11 स्टील पूल महाराष्ट्रात आणि 17 स्टील पूल गुजरातमध्ये आहेत.
गुजरातमधील पूर्ण झालेल्या स्टील पुलांची माहिती
| क्र. नं. | स्थान | स्टील पुलाची लांबी (मीटरमध्ये) | स्टील पुलाचे वजन (मेट्रीक टनमध्ये) |
|---|---|---|---|
| 1 | राष्ट्रीय महामार्ग 53, सुरत ओलांडून | 70 | 673 |
| 2 | नडियादजवळील भारतीय रेल्वेच्या वडोदरा-अहमदाबाद मुख्य रेल्वे लाईनवर | 100 | 1486 |
| 3 | वडोदऱ्याजवळील दिल्ली-मुंबई राष्ट्रीय एक्सप्रेसवेवर | 230 (130 + 100) | 4397 |
| 4 | दादरा आणि नगर हवेलीतील सिलवासाजवळ | 100 | 1464 |
| 5 | वडोदरा येथील वेस्टर्न रेल्वेवर | 60 | 645 |
| 6 | सुरत येथील दोन डीएफसीसी ट्रॅक आणि दोन वेस्टर्न रेल्वे ट्रॅकवर | 100, 60 | 2040 |
| 7 | वडोदऱ्याजवळील दोन डीएफसीसी ट्रॅकवर | 70 | 674 |
| 8 | भारूचजवळील डीएफसीसी ट्रॅकवर | 100 | 1400 |
| 9 | नडियादजवळील राष्ट्रीय महामार्ग 48 वर | 2 × 100 | 2884 |
