મીડિયા સંક્ષિપ્ત: બુલેટ ટ્રેન પ્રોજેક્ટ- ભારતીય સિમેન્ટ અને બાંધકામ ઉદ્યોગને વેગ મળશે

અત્યાર સુધીમાં 78 લાખ ઘનમીટર કોંક્રિટનો ઉપયોગ કરવામાં આવ્યો છે

મુંબઈ અમદાવાદ બુલેટ ટ્રેન પ્રોજેક્ટ 508 કિલોમીટર લાંબો, 12 સ્ટેશન, 24 નદી પુલ, 8 પર્વતીય ટનલ અને એક અન્ડરસી ટનલનો મેગા પ્રોજેક્ટ છે.
આ પ્રોજેક્ટ બાંધકામ ઉદ્યોગ, રોજગાર અને કૌશલ્ય વિકાસને પ્રોત્સાહન આપી રહ્યો છે.
આ મેગા પ્રોજેક્ટમાં ઉચ્ચ ગુણવત્તાની બાંધકામ ટેકનોલોજીનો ઉપયોગ કરવામાં આવી રહ્યો છે. બુલેટ ટ્રેન પ્રોજેક્ટ માટે ગુજરાત અને મહારાષ્ટ્ર રાજ્યોમાં દરરોજ આશરે 20,000 ક્યુબિક મીટર કોંક્રિટનો ઉપયોગ કરવામાં આવે છે, જે 8 10 માળની ઇમારતોની સમકક્ષ છે.
અત્યાર સુધીમાં 13 લાખ મોટા ટ્રાન્ઝિટ મિક્સર દ્વારા લગભગ 78 લાખ ઘનમીટર કોન્ક્રીટીંગનું કામ પૂર્ણ કરવામાં આવ્યું છે. છેલ્લા અઢી વર્ષથી રોજના 20,000 જેટલા કામદારોની મહેનતને કારણે જ આ સ્તરે કામ શક્ય બન્યું છે, જેના પરિણામે રોજગારીને વેગ મળ્યો છે.
આ વિશાળ કાર્યને પૂર્ણ કરવા માટે, કોરિડોરની સાથે 65 ખાસ ડિઝાઇન અને બાંધવામાં આવેલા કોંક્રિટ બેચિંગ પ્લાન્ટ્સ સ્થાપિત કરવામાં આવ્યા છે.