एनएचएसआरसीएलने मुंबई-अहमदाबाद हाय स्पीड रेल कॉरिडॉरसाठी टनेल बोरिंग मशीन (टीबीएम) आणि न्यू ऑस्ट्रियन टनेलिंग मेथड (एनएटीएम) वापरून समुद्राखालील 7 किमी बोगद्यासह 21 किमी (अंदाजे) लांबीच्या बोगद्याच्या कामासाठी निविदा मागविल्या आहेत. (एमएएचएसआर-सी-2)
हा बोगदा महाराष्ट्र राज्यातील वांद्रे-कुर्ला संकुल आणि शिळफाटा येथील भूमिगत स्थानकादरम्यान असेल.
ठाणे खाडी (इंटरडिडल झोन) येथील समुद्राखालील सात किलोमीटरचा बोगदा हा देशातील पहिला समुद्राखालील बोगदा ठरणार आहे.
हा बोगदा अप आणि डाऊन अशा दोन्ही मार्गांसाठी दुहेरी ट्रॅक सामावून घेण्यासाठी सिंगल ट्यूब बोगदा असेल. पॅकेजचा एक भाग म्हणून बोगद्याच्या ठिकाणी ३७ ठिकाणी ३९ उपकरण कक्षही बांधण्यात येणार आहेत.
हा बोगदा तयार करण्यासाठी १३.१ मीटर व्यासाच्या कटर हेड असलेल्या टीबीएमचा वापर केला जाणार आहे. सामान्यत: एमआरटीएस - मेट्रो प्रणालीमध्ये वापरल्या जाणार्या शहरी बोगद्यांसाठी 5-6 मीटर व्यासाचे कटर हेड वापरले जातात.
बोगद्याचा सुमारे 16 किमी भाग तयार करण्यासाठी तीन टनेल बोरिंग मशीनचा वापर केला जाईल आणि उर्वरित 5 किमी न्यू ऑस्ट्रियन टनेलिंग मेथड (एनएटीएम) द्वारे असेल.
हा बोगदा जमिनीपासून सुमारे २५ ते ६५ मीटर खोल असेल आणि सर्वात खोल बांधकाम बिंदू शिळफाट्याजवळील पारसिक टेकडीखाली ११४ मीटर खाली असेल.
बीकेसी (पॅकेज सी 1 अंतर्गत), विक्रोळी आणि सावली येथे अनुक्रमे 36, 56 आणि 39 मीटर खोलीवर तीन शाफ्ट बांधण्यास मदत करतील. घणसोली येथील ४२ मीटर चा शाफ्ट आणि शिळफाटा येथील बोगदा पोर्टलमुळे सुमारे ५ किमी चा बोगदा एनएटीएम टनेलिंग पध्दतीने बांधणे शक्य होणार आहे. (परिशिष्ट १ वरील योजना पहा)
सी 2 पॅकेजसाठी निविदा सादर करण्याची शेवटची तारीख 19 जानेवारी 2023 आहे.
भूमिगत वांद्रे कुर्ला कॉम्प्लेक्स हायस्पीड रेल्वे स्थानकाच्या डिझाइन आणि बांधकामासाठी सी 1 पॅकेज अंतर्गत मुंबई, महाराष्ट्रात 467 मीटर कट आणि कव्हर लांबी आणि 66 मीटर व्हेंटिलेशन शाफ्टसह निविदा 22 जुलै 2022 रोजी काढण्यात आल्या होत्या आणि निविदा सादर करण्याची शेवटची तारीख 20 ऑक्टोबर 2022 आहे.